2019-04-21 [12:35 PM]

Hewlêr (ZNA) -

Dezgayê Xêrxwaziya Barzanî li bajarê Hewlêrê, îro bi civîneke çapemeniyê ve ragehand ku projeyek tenduristiyê temam bûye û spasiya welatê Hindîstanê kir ku bi tîmekî bijîşk û pispor ve di wê projeyê de beşdar bûne.

Vê derbarê de îro 21.04.2019ê serokê Dezgayê Xêrxwaziya Barzanî Musa Ehmed got: ‘’Em spasiya wê tîma bijîşkên xelkê Hindîstanê dikin ku piştevan û alîkariya Dezgayê Xêrxwaziya Barzanî kirin. Herwaha em spasiya rêveberên nexwaşxaneya Semîs a Hindîstanê dikin ku bi tîmeke bijîşkên pispor ve alîkarî dan û hevbeşbûn di vê projeyê de.’’

Herwaha Musa Ehmed diyar kir: ‘’Di vê projeya tenduristiyê de hin kesên ku sûd jê wergirtine û Dezgayê Xêrxwaziya Barzanî ew diyar kiribûn, ji ber bûne alîkar em spasiya nexwaşxaneya Rojava ya Hewlêrê, Nanekelî, Navenda Dil û hemû tîmên wê dikin. Herwaha spas ji bo rêveberên Navenda Dil û nexwaşxaneya Nanekelî û Rojava, ku di vê projeyê de beşdar û hevbeş bûn.’’

Musa Ehmed got: ‘’Di vê projeyê de zêdetir ji 395 kontrol hatine kirin, bi taybet ji bo wan kesên ku nexwaşiyên pişt, ling û herwaha kontrolên 55 nexwaşên penceşêrê jî hatine kirin. 105 kes ji ber pirsgirêka wan a dil hebûye ji bo wan kontrol hatine kirin.’’