Hewlêr (ZNA) - Li deverên Bane û Ormiye yên Rojhilatê Kurdistanê 2 kolberên kurd birîndar bûn.
Dezgeha mafên mirov ya Hengaw ragihand, duh li devera Bane ya bajarê Sine yê Rojhilatê Kurdistanê kolberekî kurd bi navê Ferdîn Ehmedî di çiyê de ket û birîndar bû.
Li gorî agahiyan, ew kolberê kurd xelkê bajarokê Bane ye û niha li nexweşxanê tê dermankirin.
Heman rojê li devera Soma ya Ormiyê jî kolberek di encama êrişa pasdarên Îranê de birîndar bû.
Ew kolberê kurd, ku navê wî Şemsedîn Hacîzade ye, li nexweşxaneya Ormiyê hatiye razandin.
2569 car hatiye dîtin |