2019-04-16 [09:22 AM]

Hewlêr (ZNA) -

Her du komîteyên bilind ên Wezareta Bergîriyê Iraqê û Wezareta Pêşmerge li bajarê Hewlêrê derbarê navçeyên Kurdistanî yên li derveyî îdareya Herêma Kurdistanê civiyan û gihîştin rêkeftinekê.

Serfermandarê Gıştî yê Pêşmerege Cemal Emînkî derbarê civînê de ragihand, komteyan karê li Xaneqînê û heta rojavayê Dîcleyê kirin. Piştî bidawîbûna kar jî, nexşe û cihê Pêşmerge û Artêşa Iraqê bi zelalî diyar dibin.

Ev pêngava di navbera Hewlêr û Bexdayê de, yekem pêngava kirdarî ye ji bo vegera hêzên Pêşmerge bo navçeyên Kurdistanê yên li derveyî Herêma Kurdistanê û tê pêşbînîkirin çend rêkar û civînên din bêne kirin.

Piştî bûyerên 16ê Cotmeha 2017an, hêzên Iraqê yên cuda tekalî navçeyên Kurdistanî yên li derveyî îdareya Herêma Kurdistanê birêve dibin û vê yekê jî mafên pêkhateyan û ewlehiya wan navçeyan xistiye metirsiyê, lê niha hewlek heye ji bo hêzên Pêşmerge vegere hin navçeyan.