2019-04-15 [10:28 AM]

Hewlêr (ZNA) -

Piştî demek dirêj, endamekî polîtburoya YNKê li êrişa çekdarî ya li ser navenda giştî ya Gorranê mukir hat lê ew mijar wek “mijarek şexsî” da zanîn.

Şeva 12 Gulana par û piştî ku hilbijartinên parlementoya Iraqê xilas bû û encamên destpêkê eşkere bûn û YNKê jî sextekariyên mezin li Silêmanî, Helebce, Germiyan û Raperînê kiribû, navenda giştî ya Gorran li girê Zergete li bajarê Silêmaniyê rastî êrişa çekdarî hat.

Gorranê yekser YNK bi wê pêkanîna wê êrişê tohmetbar kir û ragihand, YNK dixwaze Gorran li hember sextekariyên wê bêdeng bimîne.

Ji wê demê ve YNK ew tohmet red dikir lê berdevkê berê yê YNKê û endamê polîtburoya wê partiyê Seidî Pîre ji beşa kurdî ya radyoya Dengê Amerîka re behsa wê rûdanê kiriye û gotiye, êrişa li ser Gorranê bi biryara fermî ya YNKê nebûye.

Seidî Pîre ew êriş avêtiye stûyê endamê polîtburoya YNKê şêx Ceifer û gotiye, rûdana wê şevê mijareka şexsî bû, ji ber wê jî ne YNK li hember wê berpirsiyar e ne jî sûda wê ji YNKê re heye.