Hewlêr (ZNA) - Li bintara çiyayê Hemrîn yê Başûrê Kurdistanê, di encama êrişa firokeyên şer de herî kêm 5 çekdarên DAIŞê hatin kuştin ku yek ji wan berpirsekî mezin e.
Ajansa Reutersê ji zarê fermandeyekî artêşa Iraqê ragihandiye, ev çend roj in firokeyên şer yên Iraqî û hêzên hevpeyman çeper û baregehên DAIŞê yên li derdora çiyayê Hemrîn bordûman dikin.
Li gorî agahiyan, di encama wan êrişan de heta niha herî kêm 5 çekdarên DAIŞê hatine kuştin ku yek ji wan berpirsekî mezin e lê nav û nîşanên wî nehatine ragihandin.
Zincîre çiyayê Hemrîn ji başûrê Kerkûkê dest pê dike û ji parêzgeha Diyale re derbas dibe û digihê parêzgeha Selahedîn. Beşek ji çiyayê Hemrîn di nav xaka Başûrê Kurdistanê de ye.
2314 car hatiye dîtin |