2019-04-14 [10:04 AM]

Hewlêr (ZNA) -

 Serokwezîrê Herêma Kurdistanê Nêçîrvan Barzanî pêşwaziya Şaredara Parîsê Anne Hidalgo û şanda pê re kir

Şaredara Parîsê Anne Hidalgo, ku bi seredanek fermî li Kurdistanê ye, spasiyên xwe arasteyî hukimeta herêma Kurdistanê kir, ku destî alîkariyê gihandiye hejmarek zêde ya penaberan û amadeyiya xwe ji bo hevkariya Hewlêrê û bajarên din ên Kurdistanê diyar kir.

Serokwezîrê Herêma Kurdistanê Nêçîrvan Barzanî pêşwaziya Şaredara Parîsê Anne Hidalgo û şanda pê re kir.

Di hevdîtinê de rewşa penaberan li Kurdistanê û Iraqê hate nirxandin û liser hevkariya Parîsê û bajarên kurdan hate gotubêjkirin.

Hidalgo dilxweşiya xwe ya seredana Kurdistanê anî ziman û diyarkir, amade ne destê alîkariyê bigihînin Hewlêr û bajarên din ên herêma Kurdistanê.

Şaredara Parîsê destnîşankir, Parîs dixwaze di warên kultur, hatinûçûn, rewşa jêrxaneyî û babetên jîngehê de destê hevkariyê bigihîne bajarên Kurdistanê û spasiyên xwe jiber piştgiriya penaberan bo hukimeta herêma Kurdistanê û Hêzên Pêşmerge anî ziman.

Serokwezîr Nêçîrvan Barzanî jî, spasiyên xwe arasteyî Frans û raya giştî ya cîhanî kir û destnêşankir, serkeftina encamî hemberî DAIŞ, di warê ramanî de dikare bidest were.