2019-04-11 [12:36 PM]

Hewlêr (ZNA) -

 Îro çalakiyên heftiya 31.mîn salvegera tewana Enfalê li Germiyanê destpê kir û berdevkê lijneya bilind a salvegerê jî ragehand, îsal gelek çalakiyên cuda li bajar û bajarokê sînorê Germiyanê dê pêkbên.

Berdevkê lijneya heftiya 31.mîn salvegera Enfalê Bêstûn Jajleyî ji BasNewsê re ragehand: ‘’Îro 11.04.2019ê li bajarên Kelar û Kifrî çalakiyên heftiya 31.mîn salvegera tewana enfalê destpê kir, ku biryare heftiyekî ew çalakî berdewam bin.’’

Herwaha got: ‘’Îro li koleja perwerdê ya destpêkê ya zankoya Germiyanê hejmarek çalakî û semînerên zanistî û wêjeyî û werzişî dê birêve biçin. Piştî nîvro jî li salona werzîşê û ciwanan pêşangeha çekên komkujiyê dê bê vekirin û piştre jî panela rêkarên bi jenosoid nasandina tewana enfalê bo rojnamevan û lêkolînvanên biyanî birêve biçe.

Navborî diyar kir: ‘’Îro herwaha li bajarê Kifrî hejmarek çalakiyên cuda dê pêkbên, ku maratonek û pêşkeşkirina hin nivîsên wêjeyî, hunerî û vekirina pêşangehê û helmeta şitil çandinê û semînerek jî dê pêkbê.’’

Jajleyî diyar kir: ‘’Ji bo îsal heftiya 31.mîn salvegera tewanê enfalê li bajarên Kelar û Kifrî û bajarokê Rizgarî dê pêkbên.’’