2019-04-08 [09:33 AM]

Hewlêr (ZNA) -

Ew helbestvanê kurd yê Îlamî yê kêmendam, ku ji ber xatirê Newrozê ji aliyê îstixbarata Îranê ve hatibû girtin, hat berdan.

Roja 19 Adara îsal, helbestvanê kurd yê kêmendam Jakan Baran, ku xelkê bajarokê Melekşahî yê Îlamê ye, li bajarokê Melekşahî û di merasima Newrozê de ber xwandina helbestek netewî ji aliyê îstixbarata Îranê ve hatibû girtin.

Li gorî agahiyên dezgeha Hengawê, Jakan Baran duh li hember 50 milyon tûmen (nêzîkî 4 hezar dolar) û bi awayekî mercdar hat berdan. Jakan dê li benda roja dadgehê bibe, îhtimal heye dadgeh dîsa fermana girtina wî bide.

Navê rastî yê Jakan Baran, Husên Baqirî ye ku helbestvanekî navdar yê wê deverê ye. Jakan ji ber çalakiyên xwe, heta niha gelek caran hatiye girtin û berdan.