2016-02-03 [11:03 AM]

Hewlêr (PNA) - Rêxistina terorîst ya DAIŞ biryara gullebarankirina 4 şêxên eşîretên Ereb li bajarê Mûsilê da.

Li gor agahiyan, çekdarên DAIŞê ew şêxên Ereb bi tohmeta hevkariya ligel hêzên pêşmerge û dana zanyariyên îstixbaratî bi wan girtibûn û ji ber wê yekê jî biryara kuştina wan dan.

Hat zanîn, ku ew şêxên Ereb xelkê bajarokê Giyare ya girêdayî Mûsilê bûn.

Wek hat zanîn, rêxistina terorîst ya DAIŞê şêx Ebdule Ebdrebû Elcibûrî , şêx Hacim Munim Elcbûrî , şêx Xelef Sedam Elcbûrî û şêx Şehab Berkat Elcbûrî li bajarokê Giyare li ber çevên welatiyan dane ber destdirêjiya gulleyan û ew kuştin.