2019-04-04 [12:22 PM]

Hewlêr (ZNA) -

Îro 04.04.2019ê şêwirmendê encûmena asayîşa herêma Kurdistanê Mesrûr Barzanî pêşwazî li balyozê Ermenîstanê yê Iraqê Hrachya Poladyan kir.

Di hevdîtinê de pêşhat û peşketinên navçeyê û pêşxistina peyvendiyên dualî yên navbera Komara Ermenîstan û herêma Kurdistanê bi hemû waran de hatin guftûgo kirin. Mesrûr Barzanî pêşxistina peyvendiyên aborî û ferhengî bi awayê ku xizmet ji berjewendiyên her du aliyan re bike giring pênase kir.

Di beşeke din ê hevdîtinê de jî zulma li hemû dîrokê de ji her du gelên Kurdistanê û Ermenîstanê re hatiye kirin bal hat kêşandin û amaje bi peyvendî û dostaniya dîrokî ya navbera her du gelan de hate kirin.

Herwaha balyozê Ermenîstanê yê Iraqê jî, awat û daxwaza serkeftinê ji ber serokatiya kabîneya nû ya hikûmeta herêma Kurdistanê re Mesrûr Barzanî re xwast û amadebûna welatê xwe ya ji bo pêşxistina peyvendiyan di hemû war û ast de li gel herêma Kurdistanê û herwaha alîkarbûna kabîneya nû ragehand û got, Ermenîstan bi nirxeke mezin ve li pêgeha herêma Kurdistanê ya li navçeyê dinêre.