2019-04-03 [12:38 PM]

Hewlêr (ZNA) -

Serok Mesûd Barzanî dibêje, hebûna kesekî mîna serokwezîrê Iraqê Adil Ebdulmehdî dawî firsend e bo çareserkirina pirsgirêkên navbera Hewlêr û Bexdayê.

Îro li Hewlêrê çardehemîn pêşangeha navdewletî ya pirtûkan ji aliyê Serok Barzanî ve hat vekirin.  Barzanî di merasima vekirina pêşangehê de axivî û daxuyaniyên girîng da.

Barzanî piştî ku behsa pêşangehê kir, li ser pêkanîna hikûmeta nû ya Kurdistanê jî axivî û ragihand, ew êdî wext heder nadin û nikarin li benda ti kesî bimînin û dê dest bi pêkanîna hikûmetê bikin.

Li ser pêwendiyên Hewlêr û Bexdayê jî Barzanî da xuyakirin, hebûna serokwezîrê Iraqê Adil Ebdulmehdî dawî firsend e bo çareserkirina pirsgirêkên Hewlêr û Bexdayê.

Serok Barzanî behsa DAIŞê jî kir û ragihand, metirsiya DAIŞê li Iraqê xilas nebûye ji ber ku sebebên derketina DAIŞê hîn li Iraqê mane.