2019-04-01 [11:31 AM]

Hewlêr (ZNA) -

Serokwezîrê Kurdistanê Nêçîrvan Barzanî şandeka Peymangeha Amerîkî ya aştîyê, ya bi serokatiya Nansî Lînborg, seroka Peymangeha navhatî kir û armanca wê serdanê gotûbêja li ser rewşa koçberên li Herêma Kurdistanê bû.

Di wê hevdîtinê de şanda mêvan, keyfxweşiya xwe nîşandan bo vê serdana wan a ji bo Herêma Kurdistanê û spasiya alîkariya hikumeta Herêm a Kurdistanê kirin bo kar û çalakiyên ofîsên wan  û pêşwazîkirina Herêma Kurdistanê bo wê hejmara mezin a aware û penaberên şerê DAIŞê.

Herweha tekez li ser wê yekê kirin ku dê li gel hikumeta Herêma Kurdistanê alîkar bin bo avakirina baweriyê li wan deverên ku aware jê hatîne .

Herweha şanda navhatî nîgeranî yên xwe nîşandan li ser nevegerana wan awareyan bo deverên xwe yên berê ji ber sedema nebûna asayîşê û xizmetguzariyê li deverê. Bo vê yekê jî wan hebûna dîyalogeka rijt bi pêdivî zanîn ku di navbera hikumet û xelkên wan deveran bihê encamdan.

Ji alî yê xwe ve, serokwezîrê Herêma Kurdistanê, spasiya serdana şandê kir û piştrast kir ku hikumeta Herêma Kurdistanê dê hemû hewldanekî bike bo ava kirina baweriyê û dîyalogê di navbera pêkahateyan de, bi armanca wegera wan û pêşkeş kirina xizmetguzarîyan.

Nêçîrvan Barzanî kurteyek jî li ser proseya siyasî ya Iraqê pêşkeş kir û hewlên dihên dan bo bo avakirina peyvendîyeka baş di navber a hikumeta Iraqê û Herêma Kurdistanê, ku bi egera wê yekê hinek arîşe hatîne çareserkirin û di pêşerojê de li ser arîşe yên din gêngeşeyê dê bikîn. Herweha amaje bi hewlên pêkhînana kabîneya nû ya hikumeta Herêma Kurdistanê kir û tekez kir ku hewldanek rijt heye di navbera alîyan de bi armanca pêkhînana kabîneya nû di dahatîyeka nêzîk de.