2019-04-01 [10:06 AM]

Hewlêr (ZNA) -

 Serok Mesûd Barzanî, bi helkefta sala nû ya Babilî-Suryanî û cejna Ekîto, peyamek belav kir û ragihand, Kurdistan welatê mesîhiyan e jî û nabe welatê xwe biterikînin.

Peyama Barzanî wiha ye:

“Bi navê Xudayê Mezin û Dilovan,

Bi helkefta hatina sersala Babilî-Kildanî-Suryanî-Asûrî û cejna Ekîto, ez germtirîn pîrozbahiyên xwe pêşkêşî xûşk û birayên Kildan-Suryan û Asûr yên Kurdistan û Iraqê dikim û hêviya şahî û bexteweriyê ji wan re dixwazim.

Bi vê helkeftê em têkestî li ser kûrkirina çandina pêkvejiyanê, aşitî û biratiya navbera hemû gelan li Kurdistanê dikin. Ez bi taybet xûşk û birayên me yên mesîhî ji vê yekê piştrast dikim ku Kurdistan welatê wan e jî û nabe zêda bav û kalên xwe biterikînin. Divê em hemû bi hev re welatê xwe pêş bixin.

Ez hêvîdar im koçber û penaber di demek kurt de vegerin ser cih û warê xwe yên li parêzgeha Neynewa û deverên din. Arezûya min ew e sala we ya nû tijî xweşî û bextewerî be û hûn tevahiya cejnên xwe bi aşitî û asûdetiyê pîroz bikin.