2019-03-31 [11:38 AM]

Hewlêr (ZNA) -

Li hinek deverên Bakûrê Kurdistanê, pisûlaeyên dengdanê û karmendên Komîsyona Hilbijartinan bi helîkopterên serbazî birin gundan.

Piroseya dengdanê ya hilbijartinên şaredariyan li Tirkiye û Bakûrê Kurdistanê, ku îro danê sibê dest pê kiribû, didome.

Li gorî raporta ajansa Anadolu, li bajarên Diyarbekir û Sêrtê, pisûlayên dengdanê û karmendên Komîsyona Hilbijartinan bi hêceta nebûna ewlehiyê bi helîkopterên serbazî birin gundên bajarên Eroh, Perwarî û Şîrwan yên Sêrtê her wiha gundên bajarên Dîcle, Pasûr, Lîce û Hênê yên Diyarbekirê.

Piştî ku dengdan li wan gundan xilas bû dê sindoqên dengan û karmendên komîsyonê dîsa bi helîkopteran bibin navendên wan bajaran.