Hewlêr (ZNA) - Serokê fraksiyona PDKê aşkera kir bi îmzaya 68 parlamenteran ve projeyasaya sererast kirin û nûjen kirina yasaya serokatiya herêma Kurdistanê pêşkeşî serokatiya parlamentoyê hat kirin.
Serokê fraksiyona PDKê li parlamentoya Kurdistanê Umêd Xoşnaw di civîneke çapemeniyê de ragehand, li gor wê rêkeftina PDKê û Gorran û partî û aliyên din pêkanîne ya ji bo bilez pêkanîna hikûmetê û pêngavên çalak kirina saziya serokatiya herêma Kurdistanê bête pêş, ku di demekî nêzîk de piştî damezrandina wê jî pêngavên pêkanîna hikûmetê bên avêtin.
Herwaha got: ‘’Îro fraksiyona PDKê projeyasaya çalak kirina serokatiya herêma Kurdistanê û awayê helbijartina serokê herêmê bi îmzaya 68 parlamenteran ve ji serokatiya parlamentoyê re hat pêşkeş kirin û di 8 madeyan de hin sererast kirin hatine kirin.’’
Herwaha got, ku ew wek frakiyona PDKê daxwaz ji serokatiya parlamentoya Kurdistanê dikin, rêyên yasayî û li gor peyrewê gav bavêjin û di demekî zû de civîna parlamentoyê bo xwandina yekem a wê projeyasayê pêkbînin.
Umêd Xoşnaw got, dervey YNK, Yekgirtû, Komela Îslamî û Nifşê Nû hemû fraksiyonên din ên li parlamentoya Kurdistanê, îmzaya wan li ser proje yasayê heye û hejmara wan parlamenterên îmza kirine jî 68 kes in û desteya serokatiya parlamentoyê jî herçend îmza nekiribin jî piştevaniya projeyê dikin.
Umêd Xoşnaw got, projeyasa sê erkên wê hene ew jî waha ye:
- Çalak kirina saziya serokatiya herêma Kurdistanê
- Ragirtina wê yasaya ku desthilatên serokatiya herêma Kurdistanê li ser desthilatiyên din hatibûn dabeş kirin.
- Cure û awayê helbijartina serokê herêma Kurdistanê li gor yasaya hejmara 1 ya sala 2005ê ya herêma Kurdistanê, heta ku vê qonaxê de em dibin xwediyê destûrê, bo vê dema parlamentoyê. Û li gor proje yasayê serokê herêma Kurdistanê nav parlamentoya Kurdistanê de dê bê helbijartin.
2308 car hatiye dîtin |