2019-03-28 [10:38 AM]

Hewlêr (ZNA) -

Berdevkê desteya tûrîzmê ya Kurdistanê ragihand, di nav 10 rojan de 243 hezar tûrîst serdana Başûrê Kurdistanê kirine ku beşek mezin ji wan ji herêmên navîn yên Iraqê bûn.

Berdevkê desteya tûrîzmê ya Kurdistanê Nadir Rostî di daxuyaniyekê de got, ji roja 12 Adarê heta 22 Adarê, ku dike 10 roj, 243 hezar tûrîst serdana Başûrê Kurdistanê kirine.

Nadir Rostî her wiha got, %73 wan tûrîstan ji herêmên navîn yên Iraqê hatibûn, %16 ji wan ji Îranê, %6 ji wan ji Tirkiyê û yên din jî ji welatên din hatibûn Kurdistanê.

Wî berpirsê hikûmetê da zanîn, li gorî par îsal bi qasî %4 rêjeya tûrîstan zêde bûye.