Hewlêr (ZNA) - Rageşiyê di navbera PKKê û Artêşa Iraqê da gûr dibe. Ligor zanyariyan Artêşa Iraqê hêzeke mezin şandiye Iraqê.
Îro 22. 03. 2019an nûçegihanê Kurdistan24ê li Şengalê ragehandiye hêzeka pir çek a Artêşa Îraqê bi tank û zirîpoş û keresyên serbazî va gehiştiye nahiye ya Sinûnê li bakurê Şengalê.
Li gor zanyarî yên nûçegihanê Kurdistan24ê ew hêz bi armanca kontirolkirin a derazînk a sinûrî ya Ûmdeban di navber a Iraq û Sûriyê gehiştîne wê deverê.
Xuya jî kir ku wê hêzê ragehandîye: “Ew bo sepandin a yasayê ber bi Sinûnê va hatîne û êdî rê nadin Yekîneyên Berxwedana Şengalê (YBŞ)desthilat li deverê hebe û kontirola xala sinûrî ya di navbera Iraqê û Sûriyê da bikin.
Ji roja 17.03.2019ê va li navçeya Um Dîban a ser sînorê Iraqê û Sûriyê şer û rageşî di navbera Artêşa Iraqê û PKKê da rû didin li gor zanyariyan heta aniha ji herdû aliyan herî kêm 10 kes hatine kuştin û çend otomobîlên serbazî yên Iraqê jî hatine şewitandin.
2410 car hatiye dîtin |