2019-03-20 [09:36 AM]

Hewlêr (ZNA) -

 Îro Serok Barzanî li gel kesayet û nûnerên devera Zumarê civiya.

Li gor malpera fermî ya serok Barzanî derbarê hevdîtinê de daxuyaniya hatî dayîn waha ye:

Roja sêşem 19.03.2019 Serok Mesûd Barzanî bi mebesta guftûgokirina li ser kêşe û giriftên navçeya Zûmar, li gel kesayetî û rihspî û nûnerên pêkhatan û cemawer û nîştecihên devera Zûmar civiya.

Li vê civînê de Serok Barzanî gotarek pêşkêşî amadebûyên civînê kir û li gotara xwe de balkişand li ser qurbanîdan û xweragiriya cemawerê devera Zûmar li beranber êrîşa terorîstan û êrîşa nehezan li salên derbasbûyî û di derbarê girîngiya navçeya Zûmar li şerê terorîstan ragihand ku kilîla şikesta Da'îş li Zûmar bû û têkşikandina terorîstên Da'îş li Zûmar ve destpêkir. Serok Barzanî pesnê çanda pêkvejiyana wê navçeyê kir û ragihand ku cihê xweşhaliye ku terorîst û nehezan nekarîn çanda pêkvejiyana wê navçeyê têk bidin. Tekez jî kir ku nakokiya siyasî ya li gel desthilat û hikûmetan nabê bibê sedema nakokiya di navbera netewe û olan.

Li dirêjahiya axaftina xwe de Serok Barzanî ji bilî balkişandina êrîşa terorê tekez li wê yekê kir ku çanda pêkvejiyanê baştirîn çeke ji bo ji navbirina hizra tundî û terorê û wê yekê jî xisterû ku pêwîste fikra terorê ji binî ve bê rakirina û li Kurdistanê da em hemû li mirovbûnê da birane û cûdahiya neteweyî û olî ne kêşeye, nirxandina mirov jî li ser bingeha reftarên wane neku bîr û baweriyê.

Di derbarê çarenûsa navçeyên maddeya 140 jî Serok Barzanî wê yekê ragihand ku eger hatiba û destûr bihata bi cîhkirin niha rewşa Iraqê bi awayeke baştir dibû û bi pêwîst jî zanî ku maddeya 140 bi tefahum û aştiyê de bê bi cîhkirin. Tekez jî li wê yekê kir ku her hewlek ji bo sepandina rastiyek ku berevajiya cografya û dîrok û rewşa civakiya navçeyan bê giriftan kûrtir dike û nayê qebulkirin.

Li beşekî dinê axaftina xwe de Serok Barzanî behsa rewşa siyasiya Iraqê û rûdanên piştî referandûmê kir û wê yekê dûpat kir ku piştî hilbijartinên Iraqê qonaxekî din hatiye holê û hemû aliyek hewl didin ku sûd ji wan keşeyên erênî werbigrîn ji bo bi cîhkirina prensîpên birayetî û pêkvejiyan û nehiştina terorê.

Li beşekî dinê vê civînê de amadevanan re û dîtin û pêşniyarên xwe ji bo çareserkirina kêşeyên nîştecihên navçeyê bi Serok Barzanî gihand û Serok Barzanî jî li berçav girtina vê rewşa erêniye ku li peywendiyên di navbera Herêm û Bexda de hatiye holê. Her wiha şîret û şîroveyên pêwîst ya ji bo çareserkirina giriftan û baştirbûna rewşa xelkê devera Zûmar xisterû.