Hewlêr (ZNA) - Civîna navbera hêzên Pêşmergeyên Kurdistanê û Hêzên Hevpeyman pêkhat û lijneya asayîşa encûmena nûnerên Iraqê dibêje Hêzên Hevpeyman dixwazin rola Pêşmerge zêdetir bikin.
Di asta bilind de Hêzên Hevpeyman û Hêzên Pêşmergeyên Kurdistanê destpêka vê heftiyê civînek pêkanîn û vê derbarê de endamê lijneya asayiş û navxweyî ya encûmenê Nasir Yusif ji BasNewsê re ragehand: ‘’Hêzên Hevpeyman baş têgeheştine ku rewşa ewlehiya Iraqê bi tenê bi hêzên Iraqê ve nayê parastin, ji ber wê jî pêwîstiya wan bi hêzên Pêşmergeyên Kurdistanê ye. Ji bo wê jî Hêzên Hevpeyman dixwazin hemahengiya zêdetir di navbera hêzên Pêşmergeyên Kurdistanê û Hevpeymanan de ava bikin, bi taybet jî li navçeyên cîhên nakokî li ser.’’
Wî parlamenterî got: ‘’Ew hemahengiya zêdetir wek pêwîstî, piştî ku DAIŞ li hin cîha dubare dest bi çalakiyan kir û li wan navçeyane bûne metirsî bo ewlehiya Iraqê giringiya wê derdikeve pêş.’’
Herwaha got: ‘’Civîn di asta bilind de dê berdewam bin.’’
2242 car hatiye dîtin |