Hewlêr (ZNA) - Li bajarê Koye yê Başûrê Kurdistanê, hunermendekî navdar yê kurd canê xwe ji dest da.
Duh êvarê li Koye, hunermendê kurd Serdar Ehmed canê xwe ji dest da.
Îro termê wî hunermendî li goristana Kekon ya bajêr hat veşartin. Di merasima veşartina termê wî de gelek hunermend û xelkê bajêr beşdar bûn.
Hunermend Serdar Ehmed sala 1945 li bajarê Koye ji dayîk bibû. Endam û damezrênerê tîma hunerî ya Bawaca Koye bû. Wî hunermendî, bilûrvanî û neyjenî dikir.
Beriya niha Serdar Ehmed ji aliyê Wezareta Rewşenbîrî û Sendîkaya Hunermendan ya Kurdistanê ve hatibû xelatkirin.
2212 car hatiye dîtin |