Hewlêr (ZNA) - Serokê hikûmeta herêma Kurdistanê Nêçîrvan Barzanî li gel cîgirê wezîrê derve yê Tirkiyê û şandeya li gel civiya.
Îro 14.03.2019ê Nêçirvan Barzanî li gel cîgirê wezîrê derve yê Tirkiyê Sedat Unal û şandeya li gel civiya û peyvendiyên her du aliyan hat gotûbêj kirin.
Hevdîtinê de şandeya mêvan keyfxweşiya xwe ji bo serdana herêma Kurdistanê diyar kirin û pîrozbahî li Nêçîrvan Barzanî kirin, ku ji ber namzedê serokê herêma Kurdistanê ye û hêvî xwestin ku di demekî nêzîk de kabîneya nû ya hikûmeta herêma Kurdistanê pêkbê. Herwaha amaje bi peyvendiyên kevin ve yên dostane ên di navbera herêma Kurdistanê û Tirkiyê kirin û amadebûna welatê xwe ya ji bo pêşxistina zêdetir a peyvendiyan, di hemû waran de nîşan dan û bi taybet ji warê aborî û bazirganî de.
Serokê hikûmeta herêma Kurdistanê Nêçîrvan Barzanî jî spasiya serdana şandeya mêvan kir û hêviya serkeftinê ji ber erkê wî yê nû ji Unal re xwast ku wek cîgirê wezîrê derve yê Tirkiyê dest bi kar bûye û diyar kir herêma Kurdistanê berdewam dixwaze xwedî peyvendiyên baş be li gel cîranên xwe û bi taybet jî Tirkiye, ku di demên zehmet de alîkar û piştevanê herêma Kurdistanê bûye. Herwaha amadebûna herêma Kurdistanê ya ji bo pêşde birina zêdetir a peyvendiyên hemû aliyan de û bi taybet jî di warên aborî û bazirganî de diyar kir.
Di beşeke din ê axaftina xwe de jî Barzanî behsa peyvendiyên navbera Hewlêr û Bexdayê kir ku vê dawiyê li gel serokwezîrê Iraqê Adil Ebdulmehdî çend pirsgirêkên Hewlêr û Bexdayê çareser dibin û ji bo çareseriya pirsên din jî amadebûna herêma Kurdistanê ya ji bo destpê kirina dîalogên cidî nîşan da. Herwah rola welatên dost a di vê derbarê de jî wek pêwîstiyek zanî.
Guftûgo kirina rewşa siyasî ya navçeyê bi giştî û çend babetên girêdayî bi peyvendiyên dualî jî aliyeke din ê hevdîtinê bûn.
More4EmailLinkedInTelegramTwitterFacebook
2191 car hatiye dîtin |