2019-03-13 [11:17 AM]

Hewlêr (ZNA) -

Şêwirmendê Civata Ruhaniya êzdiyan Kerîm Silêman diyar kir, îro 13.03.2019ê li salona Şêx Mend a navenda qeza Şêxanê, dê merasîma çileya koça dawî ya Mîr Tehsîn Beg birêve biçe.

Kerîm Silêman ragehand, piştî 40 roj derbasbûn li ser koça dawî ya Mîrê êzdiyên cîhanê Mîr Tehsîn Beg re, bi amadebûna kesayetên olî yên misliman, mesîhî û êzdî û hemû pêkhateyên deverê ve, merasîma çileya Mîr Tehsîn dê birêve biçe.

Kerîm Silêman got, di merasîmê de beşdarvan dê serdana gora Mîr Tehsîn a li mala wî bikin.

Herwaha got, piştî çil rojan koça dawî ya Mîrê êzdiyan li gel merasîmê dê fîlmên dokumanter ên li ser jiyana Mîrê êzdiyan jî bên nîşandan.