2019-03-12 [12:39 PM]

Hewlêr (ZNA) -

Îro 12.03.2019ê berî nîvro civîna asayî ya parlamentoya Kurdistanê destpê kir û biryare deng li ser endamên lijneyên daîmî bê dayîn.

Di civîna îro ya parlamentoyê de li gor madeya 28 û 29 a peyrewa navxwe ya parlamentoya Kurdistanê, deng li ser lijneyên daîmî yên parlamentoyê dê bê dayîn û civîn naha berdewam e.

Ji fraksiyona YNKê tenê parlamenterek beşdarî civînê bûye û ew jî bo sondxwarina yasayî bû, ku ew jî Rahî Rehber Seyîd Îbrahîm e û di rûniştina yekem de sonda yasayî xwar.

Piştre jî dengdan li ser pejirandina endamên lijneyên daîmî yên parlamentoya Kurdistanê destpê kir.

Wan rojên borî de serokên fraksiyonan li ser endamên lijneyên daîmî geheştibûn rêkeftinê.