2019-03-10 [12:39 PM]

Hewlêr (ZNA) -

Li navçeya Sîvereg a ser bi Ruhayê ji ber du otomobîlan li hev dan, şofêr daketin û bi hevre ketin minaqeşê, piştre jî otomobîlek din a di rê de derbas dibû li wan da.

Li Sîveregê di bûyera ku 3 otomobîlan pêkhat de 3 kesan jiyana xwe ji dest da, 5 kes jî birîndar bûn.

Li gor agahiyên çapemeniya Tirkiyê nêzîk taxa Erkonagı ya Sîveregê bûyer pêkhat û du otomobîlan li hev dan û piştre jî otomobîla din hat li wan her du otomobîlên din û kesên ku nîqaş dikirin da.

Hat zanîn di bûyerê de 3 kesan canê xwe ji dest dan, 5 kes jî birîndar bûn. Hat ragehandin ku kesên birîndar rakirine nexwaşxaneya dewletê ya Sîveregê.