2019-03-04 [10:56 AM]

Hewlêr (ZNA) -

 Pasdarên Îranê komek kolberên Rojhilatî rût kirin û bi rûtî ew neçar kirin rêkê ji berfê paqij bikin!

Roj nîne kolberên Rojhilatî, ku bo nanekê mirinê didin ber çavên xwe, neyên kuştin û girtin û rastî heqareta pasdarên Îranê neyên.

Dezgeha mafên mirov ya Hengaw ragihandiye, roja 1 vê mehê pasdarên Îranê komek kolberên kurd li zozana Sofî Cane li nahiya Newsûd ya bajarê Pawe li eyaleta Kirmaşanê girtibûn û ew di nav berfê de rût kiribûn!

Yek ji wan kolberan, ku nexwastiye navê wî were ragihandin, ji Hengaw re gotiye, pasdaran ew girtin û bi darê zorê ew dan rûtkirin û rêk bi wan dan paqijkirin.

Wî kolberî daye zanîn, ew herî kêm saetekê rût û tazî di nav berfê de man, paşê pasdaran ew azad kirin, di demekî de dema pasdar wan digirin, ti barek bi wan re nebûye!