2019-03-04 [10:37 AM]

Hewlêr (ZNA) -

Serfermandarê her du welatên Amerîkayê û Rûsyayê derbarê Rojavayê Kurdistanê û Sûriyê de dicivin.

Berdevkê desteya serfermandariya hevbeş a Amerîkayê Patrick Ryder ji çapemeniya Amerîkayê re ragehand, serfermandarê artêşa Amerîkayê Joseph Dunford û serfermandarê artêşa Rûsyayê Valery Gerasimov dê bicivin.

Civîn û hevdîtina her du serfermandaran îro 04.03.0219ê li paytexta Austriayê Viyanayê dê pêkbê û di civînê de gotûbêj li ser rewşa Sûriyê bi giştî û bi taybetî jî rewşa Rojavayê Kurdistanê bê guftûgo kirin.

Li gor berdevkê artêşa Amerîkayê Patrick Ryder mijarên civînê waha ne:

• Lêknedana operasyonên her du welatan ên li Sûriyê
• Guftûgo kirin derbarê peyvendiyên leşkerî yên Moskowa û Washingtonê
• Rewşa asayiş û ewlehiya navnetewî