Hewlêr (ZNA) - Endamekî Encumena Niştimanî ya Kurd li Sûriyê (ENKS) dibêje, piştî DAIŞê qonaxek nû li Sûriyê dest pê dike û ew qonax jî bi sûda kurdan e.
Endadmê ENKSê Kawe Azîzî ji malpera fermî ya PDKê re gotiye, Amerîka dibêje şerê DAIŞê li Sûriyê xilas bûye lê PYD û YPG naxwazin ew şer xilas bibe. Ew dibêjin hîn hefteyek maye şer xilas bibe.
Kawe Azîzî her wiha gotiye, xelkê Rojava daxwaza xizmetguzarî û aramî û ewlehiyê dikin lê PYD nikare wan tiştan ji wan re dabîn bike.
Wî endamê ENKSê daye xuyakirin ku piştî şerê DAIŞê dê qonaxek nû li Sûriyê dest pê bike û gotiye, ew qonax jî dê bi sûda kurdan be, çimkî Amerîka û Rûsya rijd in li ser garantîkirina mafên kurdan li Sûriyê. Ev jî tiştekî baş e.
Bi nêrîna wî siyasetmedarê Rojava, Amerîka dixwaze ENKS û pêşmergeyên Roj vegerin Rojava û di avakirina herêma aram de rolek serekî bilîzin. Ji aliyekî din, Amerîka fişar xistiye ser PYDê ku ji PKKê dûr bikeve û ji ser sînor vekişe.
2446 car hatiye dîtin |