Hewlêr (ZNA) - Li devera Pîranşar ya Rojhilatê Kurdistanê di encama êrişa pasdaran de kolberek hat kuştin.
Dezgeha mafên mirov ya Hengaw ragihandiye, îro danê sibê li zozana Gorrî Pitkê ya bajarê Pîranşarê, komek kolber rastî êrişa pasdarên Îranê hatin.
Li gorî agahiyan, di encama wê êrişê de kolberk bi navê Wahîd Ehmedî kurê Ehmed Ehmedî hat kuştin û kolberek jî birîndar bû.
Heta niha navê yê birîndar nehatiye zanîn lê ewê ku hatiye kuştin, bavê du zarokan bûye û temenê wî jî 30 sal bûye.
2494 car hatiye dîtin |