Hewlêr (ZNA) - Serkirdeyê Artêşa Azad Mistefa Sicrî plana metirsîdar a Serokê Sûriyê Beşar Esed dijî Rojavayê Kurdistanê aşkere kir.
Di rûpela xwe ya twitterê da Mistefa Sîcrî hewla Beşar Esed a rêkeftina ligel Qeter û Tirkiyê belav kiriye.
Mistefa Sîcrî amaje bi wê yekê kiriye ku Îran ji rêkeftina Qeter, Tirkiyê û Sûriyê nîgeranbûye lewre naxwaze Sûriye jî ligel wan welatan kar bike. Herwiha Esed dijî Îmarat û Erebîstana Siûdiyê dixwaza wxwe nêzîkî Qeterê bike.
Sîcrî da ye zanîn ku Beşar Esed bi rêya kanalên taybet peyameke taybet ji Tirkiyê re şandiye û di peyama wî de ev yek hene:
- Jinavbirina desthilatiya kurdî li Rojavayê Kurdistanê
- Parastina sinorê di navbera Sûriyê û Tirkiyê
- Bi dawîkirina şerê Efrînê ji aliyê Tirkiyê
-Parastina berjewendîyên aborîyên Tirkiyê
- Radestkirina wan kesên Tirkiye dixwaze û li Sûriyê ne
- Parastina berjewendîyen sitratîjîk yên Tirkiyê li nav Sûriyê
- Qerebûkirina kesukarî tevkujiya Reyhanlîyê
Di 11-5-2013an de 3 otomobêl li bajarokê Reyhanliyê yê Hatayê hatin teqandin û di encamê de 150 kes mirin û bi sedan kes jî birîndar bûne.
Mistefa Sîcrî amaje bi wê yekê kiriye Beşar Esed soz daye Qeterê jî wê piştevaniya Îmarat û Erebîstana Siûdî ya li komên terorê aşkere bike û zanyariyan bide Qeterê.
Ligor Sicrî Serokkomarê Tirkiyê Recep Tayyib Erdogan û Qeterê ev plana Beşar Esed red kirine û gotine wê kar bo wê yekê bikin ku divê Beşar Esed li ser Sûriyê nemîne.
2428 car hatiye dîtin |