Hewlêr (ZNA) - Îro 28.02.2019ê rêveberiya asayîşa Şarezorê girtina 13 tewanbarên madeyên hişber ragehand.
Daxuyaniya beşa ragehandin û peyvendiyên rêveberiya asayîşa Şarezor de hat gotin: ‘’Bi hewl û westandina hêzên me yên rêveberiya asayîşa Şarezorê ve, hemû binke û rêveberên ser bi rêvebertiya me û odeya narkotîkê û beşa lêkolînê ya bajar û bajarokên sînorê desthilatiya me ve, me karî di dema borî de bi fermana dadwer û li gor madeya 14ê ya madeyên hişber 13 tewanbaran bigrin û wan radestî yasayan bikin.’’
Herwaha hat ragehandin, piştî rêkirina dosyayan bo dadgeha lêkolînê ya tewanên Silêmaniyê – 2, dadgehê meha Çileyê de heta roja 27.02.2019ê, bi qonaxên cuda cuda ve cezayên wan tewanbaran da û cezayê wan tometbaran ji 7 meh heta 5 sal hate diyar kirin, ku di nav wan tewanbaran de ji 22 salî heta 50 salî kes hene û yek ji wan kesan jî jin e.
Asayîşa Şarezorê ragehand: ‘’Di dema girtina wan tewanbaran de, ku hin ji wan wek grub û çeteyan kar dikirin, gelek cure û miqtarên cuda madeyên hişber û tiştên taybet bi wê babetê ve girêdayî hatine desteser kirin.’’
2374 car hatiye dîtin |