Hewlêr (ZNA) - Cîgirê duyem ê serokê parlamentoya Iraqê ragehand, pêgeha herêma Kurdistanê naha ji pêş referandûma serxwebûna Kurdistanê bihêztir e û diyar kir zêdetirî 50 madeyên destûra Iraqê nehatiye bicîhanîn.
Cîgirê duyem ê serokê parlamentoya Iraqê Dr. Beşîr Hedad, li zankoya Lubnan-Fransa ya li Hewlêrê de semînerek da û mûkir hat ku destpêkê bawerî wisa bû ku, kar kirina wan wek fraksiyona PDKê li Bexdayê dê giran be û dê ji wan re bê gotin ku referandûmçî û cudaxwaz.
Herwaha got, naha ‘’Herêma Kurdistanê ji berî referandûmê bihêztir e û pêgeha herêma Kurdistanê jî ji pêgeha xwe ya pêş referandûmê bihêztir e.’’
Beşîr Hedad aşkera kir ku di dema derxistina yasaya budceyê de parlamenterên ereb û pêkhateyên din ji nûnerên kurdan re gotin: ‘’We mirin nîşanî me da ku em bi talerzê razî bin.’’
Di beşeke din ên gotinên xwe de Beşîr Hedad diyar kir, 50 madeyên destûra Iraqê nehatine bicîhanîn û tenê kurd daxwaza bicîhanînê dikin. Û got: ‘’Ew madeyane naha wisa binav kirine ku madeyên kurd ên destûrê. Lê eger bên bicîhanîn, hemû Iraq dê jê sûdmend be.’’
2383 car hatiye dîtin |