Hewlêr (ZNA) - Îro 26.02.2019ê demjimêr 11:00ê ve civîna parlamentoya Kurdistanê destpê kir û bendewarî hene ku lijneya yasayî ya parlamentoyê bên helbijartin.
Di destpêka civînê de seroka parlamentoyê Vala Ferîd ragehand ku hemû fraksiyon çend carek civiyan û di civîna wan a dawiyê jî îro bûye, di encamê de rêkeftinek li gor peyrewa navxwe ya parlamentoyê din av fraksiyonan de pêkhat.
Herwaha cîgirê serokê parlamentoyê Hêmin Hewramî derbarê guftûgo û rêkeftinan de bo dabeş kirina endamên lijneya yasayî daxuyaniyek da û aşkera kir herçend li gor rêkeftinekî endamekî fraksiyona Sosyalîst bûye hevpeymanê fraksiyona PDKê û kursiyên wan bûne 46 kes jî û li gor peyrewa navxwe mafê wan heye ku 5 endamên lijneya yasayî yê wan hebe jî, lê di encama guftûgoyan rêkeftin di navbera fraksiyonan de heye û bi wî awayî jî hatiye dabeş kirin.
11 endamên lijneya yasayî:
Fraksiyona PDKê 4 endam
Fraksiyona YNKê 2 endam
Fraksiyona Gorran 1 endam
Fraksiyona Nifşê Nû 1 endam
Fraksiyona Komel 1 endam
Fraksiyona Keldan û Suryan û Asurî 1 endam
Fraksiyona Tirkmen 1 endam
2320 car hatiye dîtin |