Hewlêr (ZNA) - Serok Barzanî pêşwazî li balyozê Rûsyayê yê Iraqê û şandeya li gel kir.
Li gor malpera fermî ya Serok Barzanî derbarê hevdîtinê de daxuyaniya hatiye dayîn waha ye:
Roja dûşem 25.02.2019 Serok Mesûd Barzanî pêşwaziya Maksim Maksimov Balyozê Rûsya li Iraqê û şanda li gel kir.
Li hevdîtinê de ku Victor Simakov Konsolê Rûsya li Hewlêrê jî amade bû, Balyozê Rûsya li Iraqê silavên Serok Putin û Wezîrê Derve û Nûnerê Taybetî yê Serokê Rûsya yê Karubarê Rojhilata Navîn bi Serok Barzanî gihand û tekez li ser girîngî û pêgeha Herêma Kurdistanê li siyaseta derve ya Rûsya û pêşxistina di navbera peywendiyên her dû aliyan kirin.
Ji aliyê xwe ve Serok Barzanî spasî li Serok Putin û Hikûmeta Rûsyayê kir û pêzanînên xwe ji bo helwesta Serok û Hikûmeta Rûsya ya li ser doza rewa ya gelê Kurdistanê ya li qonaxên cûda cûda de hebû, her wiha pêşwaziyê jî li berfirehtir kirin û hevkariya di navbera Herêma Kurdistan û Rûsyayê kir.
Her li vê hevdîtinê de di derbarê rewşa siyasî û pêşhatên dawî ya navçeyê û Sûriye danustandina bîr û ramanan kirin û Balyozê Rûsya siyaset û stratejiya welatê xwe ya di derbarê pêşhat û guhertinên dawî ya Sûriye û her wiha rola Kurd li paşaroja Sûriye bi Serok Barzanî ragihand. Di derbarê vê babetê de Serok Barzanî dilgiranî û nêrînên xwe ya di derbarê paşaroja gelê Kurd li Sûriye û çareseriyan xisterû û daxwaz jî kir ku Rûsya rola ji bo rêgirtin û dawî hatina bi êş û azarên gelê Kurd li Sûriye de hebê. Ji bo vê mebestê jî her dû alî li ser wê hembîr bûn ku li peywendî û şêwirîna berdewam da bin.
Peywendiyên di navbera Herêm û Bexda û çarenivîsa Kerkûk û pêngavên di nava proseya siyasiya Herêmê mijareke din ê vê civînê bûn.
2668 car hatiye dîtin |