2019-02-24 [10:25 AM]

Hewlêr (ZNA) -

Werzişvaneka Rojhilatî, tenê ji ber ku alaya Kurdistanê bilind kiriye, ji aliyê hikûmeta Îranê ve hat girtin.

Par payîzê, li bajarê Soran yê Başûrê Kurdistanê, hevrikiyek dostane di navbera tîma boksa keçan ya  bajarê Îsfehan yê Îranê û tîma boksa keçan ya bajarê Soran hatibû lidarxistin.

Sporvaneka Rojhilatî bi navê Arezû Mîrekî jî wek endama tîma Soran tevlî hevrikiyê bibû û piştî ku li hember endameka tîma Îsfehanê bi ser ketibû, alaya Kurdistanê bilind kiribû û bi wî rengî kêfxweşiya xwe nîşan dabû.

Dezgeha mafên mirov ya Hengawê ragihandiye, ew sporvana Rojhilatî, ku xelka bajarê Sine ye, ji aliyê hêzên ewlehiyê ve hatiye girtin û nayê zanîn li kîjan girtîgehê de ye.