Hewlêr (ZNA) - Serok Barzanî li Selaheddîn pêşwaziya Balyozê Îranê yê li Bexdayê Îrec Mescîdî û şanda li gel kir.
Îro Pênşemê 21.2.2019 Serok Barzanî li Selaheddîn pêşwaziya Balyozê Îranê yê li Bexdayê Îrec Mescîdî û şanda li gel ku, ji konsilê Îranê li Hewlêr, Silêmaniyê, Kerbela û Necefê pêkdihat kir.
Di hevdîtinê de behsa rewşa siyasî ya navçeyê û proseya siyasî ya Iraqê hat kirin, herwiha pêwendiyên di navbera Herêmê û Bexda de û helesengandina erênî ji serdana Serok Barzanî ji Bexdayê re hat gotûbêj kirin.
Di beşeke din a hevdîtinê de bihêzkirina pêwendiyên di navbera Herêma Kurdistanê û Îranê de hat gotûbêj kirin.
Proseya siyasî ya Herêma Kurdistanê û pêngavên pêkanîna hikûmet û parlamentoyê babetên din yê civînê bûn.
2485 car hatiye dîtin |