2019-02-17 [06:12 PM]

Hewlêr (ZNA) -

Serokê Tirkiyê Receb Tayib Erdogan ragehand ku, ew qebul nakin navçeya aram ya li ser sînorê Tirkiyê û Sûriyê bo parastina PKKê were pêkanîn.

Îro Yekşemê Serokê Tirkiyê Receb Tayib Erdogan di daxuyaniyeke rojnamevanî de ragehand ku, divê navçeya aram di destê Tirkiyê de be û bi ti awayekî qebûlnakin ew navçe bo parastina PKKê were pêkanîn.

Di daxuyaniya xwe de Erdogan amaje bi helwesta Serokê Rûsyayê Velademir Purîn kir ku, gotibû navçeya aram di destê Tirkiyê de be wê baş be.

Beri niha jî Wezîrê Berevaniyê yê Tirkiyê Hulusi Akar ragehandibû ku, divê tenê hêzên Tirkiyê li navçeya aram hebin.