2019-02-12 [11:21 AM]

Hewlêr (ZNA) -

 Li rojavayê paytexta Hindîstanê New Delhî, di otêlekî de şewat derket û li gor agahiyên destpêkê 17 kesan jiyana xwe ji dest dan, 4 kes jî birîndar bûn.

Cîgirê berpirsê ewlehiyê yê New Delhî Mandeep Singh Randhawa ragehand, li tax û semta Karol Bagh di otêla 5 tebeq a Arpit Palace di tebeqeya jêrxanî de şewat derket û 17 kesan jiyana xwe ji dest dan û 4 kes jî birîndar bûn.

Herwaha ragehand, şewata ku şev derket û sedemê wê nayê zanîn ji aliyê tîmên agirkuj ve hat kontrol kirin û ji 30 kesî zêdetir mirov hatin rizgar kirin.