2019-01-23 [01:49 PM]

Hewlêr (ZNA) -

Parlementereka Fransa, ku niha li Rojavayê Kurdistanê ye, dibêje, dê daxwaz ji Fransa bikin firrîna firokeyên şer û serbazî bi ser Rojavayê Kurdistanê de were qedexekirin da ku ew der bibe herêma dijfirrîn

Televîzyona K24 ragihandiye, şandeka Fransî ku di nav parlementera Fransî ya bi navê Mathilde Panot jî, çûye Rojavayê Kurdistanê da ku rewşa wir ji nêzîk ve bibîne û bişopîne.

Wê parlementera Fransî ji K24 re gotiye, dema ew vegerin Fransa dê daxwaz ji hikûmeta Fransayê bikin firrîna firokeyên şer û serbazîn bi ser deverên rojhilat û bakûrê Sûriyê de were qedexekirin da ku ew der aram bimîne.

Mathilde Panot her wiha gotiye, divê welatên din yên Ewropî jî piştevaniya Fransa bikin da ku herêma dijfirrînê li Rojavayê Kurdistanê çêbibe.