2019-01-16 [05:21 PM]

Hewlêr (ZNA) -

Wezîrê Derve yê Rûsyayê Sergey Lavrov derbarê vekişîna hêzên Amerîkayê li rojhilatê Firatê axivî û aşkere kir ku divê hêzên rejimê vegerin rojhilatê Firatê.

 Malpera Rûsyayê Spûtnîkê belav kiriye ku Wezîrê Derve yê Rûsyayê Sergey derbarê biryara vekişandina hêzên Amerîka ji Rojavayê Kurdistanê û hin navçeyên Sûriyê gotiye  ku Amerîka gelek caran dibêje, ew dê vekişin û di encamê de ew venakişe û dimîne û got, divê aliyên Sûriyê bê destêwerdana derve, pirsgirêkên xwe çareser bikin.

Herwiha divê hêzên rejima Sûriyê vegerin Rojavayê Kurdistan û hêzên kurdî herêmên di destê wan da ne radestî hêzên rejima Beşar Esed dikin.

Li aliyê din çavkaniyên herêmî aşkere dikin ku hêzên rejimê li dorûbera Minbicê bi cî bûne û gelek leşker li wê herêmê bi cî kirine.