2018-12-28 [04:27 PM]

Hewlêr (ZNA) -

Berdevkê Kremlinê Dmitriy Peskov ragihand ew çûna leşkereên Sûriyê bo nava Menbicê bi erênî dibîbin.

Berdevkê Kremlînê Dmitriy Peskov îro di presskonferansê da pirsên rojnamegeran yên derbarê Menbicê bersivand. Peskov li ser pirsa 'hûn bi derbasbûna artêşa Sûriyê bo Minbicê kêfxweş in yan?' got, “Helbet. Bêguman ev ji bo dabînkirina seqamgiriya rewşa Sûriyê gaveke erênî ye."

Peskov diyar kir ku berfirehbûna herêmên jêr kontrola hêzên hikûmeta Sûriyê bêguman helwesteke pozîtîv e.

Îro Reutersê daxuyand ku PYDê û hêza wê ya leşkerî bang li rejima Sûriyê kiribûn ku bên parastina axa Sûriyê bikin beramber êrîşan de. Herwiha Fermandariya Giştî ya Sûriyê jî piştî vê daxuyaniyê ragihand, “Artêşa Sûriyê ji bo serweriyê li her bihosteke erda Sûriyê pêk bîne, bersiva banga gel (YPG) daye û bi erka xwe ya berpirsiyarane ketine bajarê Minbicê û ala xwe hildaye.”