Hewlêr (ZNA) - Îro 27.12.2018ê Şêwirmendê Civata Asayîşa herêma Kurdistanê Mesrûr Barzanî pêşwazî li serokwezîrê Vatîkanê Kardînal Pietro Parolin û şandeya li gel kir.
Di destpêka hevdîtinê de Mesrûr Barzanî pîrozbahî li cejna dayîkbûna Hezretî Mesîh û sersala nû ya zayînî li kardinal Pietro Parolin kir û bi rêya wî ve jî silavên taybet ji Papa yê Vatîkanê Francis re rêkirin.
Di hevdîtinê de li gel guftûgoya rewş û rol û rewşa pêkhateyên olî û netewî, xwedan derketin û hewandina koçberên mesîhî yên li herêma Kurdistanê bilind hat nirxandin û vê derbarê de şêwirmendê civata asayîşa herêma Kurdistanê amaje bi çanda pêkvejiyan û lêborînê ya gelê Kurdistanê kir û ragehand, wek her gavekê mesîhî wek beşek resen ê vê civakê em dibînin û xwedan lê derdikevin û hewandina wan jî wek erkê mirovperweriya gelê xwe em dizanin.
Herwaha şêwirmendê civata asayîşa herêma Kurdistanê Mesrûr Barzanî di beşek din ê axaftina xwe de hêvî xwest, bi alîkariya hemû aliyan ve hewayekî baş bê xulqandin bo ku birayên Xirîstiyan welat bicîh nehêlin û tevgera koçberiyê berevajî bibe û bi rihetî vegerine ser erd û cîhên xwe yên resen.
Herwaha ji aliyê xwe ve serokwezîrzê Vatîkanê kardinal Pietro Parolin jî spasiya hikûmeta Vatîkanê ji herêma Kurdistanê re ragehand û hêvî xwest ku aştî û seqamgirî vegere navçeyê. Herwaha dervey pesnên rola herêma Kurdistanê û xwedan derketin û dabîn kirina hemû pêdiviyan bo koçberan, teqez jî kir Vatîkan di pêşkeş kirina alîkarî û piştevaniyê bo pêşketina zêdetir a herêma Kurdistanê dê berdewam be.
3334 car hatiye dîtin |