2018-12-23 [09:44 AM]

Hewlêr (ZNA) -

Parlamentoya Iraqê li ser sê mijaran kom dibe û li gor hin zanyariyên bidest ketin jî dê wezaretên vala jî bên tejî kirin.

Li gor karnameya civîna parlamentoya Iraqê ya îro 23.12.2018ê demjimêr 13:00ê piştî nîvro pêkbê de parlamento dê sê mijaran guftûgo bike û ew jî waha ne:

-Guftûgoya li ser helbijartinên encûmena parêzgehan û bajarokan.

- Dengdana li ser proje biryarekî ya derbarê ziyanên geheştiya masiyan li Iraqê.

- Guftûgoya derbarê têkel kirina şîrketên wezareta pîşesazî û kanayan.

Herçend tejî kirina wezaretên vala ya kabîneya hikûmeta Iraqê ya bi serokatiya Adil Ebdulmehdî de di bernameya kar de cîh negirtiye jî, lê zanyariyên çapemeniyê amaje bi wê yekê dikin ku dengdana baweriyê ya wan wezaretên betal yek ji mijarên civîna îro ye.