2018-12-18 [09:05 AM]

Hewlêr (ZNA) -

Li gor zanyariyan, biryar e di 4 mehên bê de 11emîn serokkomarê Tirkiyê Abdullah Gul partiyeke nû rabgehîne û niha jî 55 parlamentar di parlamentoya Tirkiyê de li gel wî ne.

Li gor rojnameya Milliyet a Tirkiyê ya ku, ji AKPê ve nêzîke ragehand, Abdullah Gul dixwaze vegere nav karê siyasî û ji bo vê armancê çend serkirde ji AKPî û partiyên din li gel xwe birine.

Heman rojnameyê da zanîn ku, 55 endamên parlamentoya Tirkiyê li gel Abdullah Gul in û dê biçin nav partiya wî ya nû ku, biryare di 4 mehên bê de were ragehandin.

Herwiha rojnameyê aşkere kir ku, ew 55 perlementar beşk ji wan endamên partiyên siyasî di nav parlamentoyê de û beşeke din berê endamên parlamentoyê bûn.