2018-12-13 [02:48 PM]

Hewlêr (ZNA) -

Rêxistina Lêborîna Navdewletî (Amnesty International) di raporta xwe ya nû de hewldanên têkdana DAIŞê yên li dijî kurdên êzdî, bi taybet jî têkdana erd û bingehên kiştûkaliyê wek tewanê şer pênase kir.

Di raporta rêxistina Lêborîna Navdewletî tê gotin: ‘’DAIŞê baxên rez û fêkî şewitandine, bîrên avê bi qirêj û nefta reş ve tejî kiriye, herwaha pompeyên avê û tiştên elektrîkî yên xelkê hemû dizîne.’’

Herwaha hat ragehandin: ‘’Bandora wêranbûna bingehîn û zemînî yê navçeyên gund ên Iraqê bi awayeke berfireh hatiye piştguh kirin.’’

Herwaha di raportê de li gel wêran kirina bingehê kiştûkaliyê behsa dîl girtin û kuştina sedan kurdên êzdî jî hatiye kirin û tê gotin naha kurdên êzdî ti cîhekî wan nemaye ku wegerin û bicîh bibin. Zeviyên wan ên kiştûkaliyê jî hatine wêran kirin.