2018-12-09 [09:06 AM]

Hewlêr (ZNA) -

Artêşa Tirkiyê 2 karwanên din ji hêza xwe li parêzgeha Idlibê ya Sûriyê bicih kir.

Medyaya ser bi opozisyona Sûrî ragihandiye ku, bi armanca xurtkirina xalên çavdêriyê yên Tirkiyê li parêzgeha Idliba bakur-rojavayê Sûriyê, artêşa Tirkiyê 2 karwanên leşkerî yên hêza xwe gihandine wê parêzgehê.

Heman medyayê nîşan bi wê yekê daye ku herdu karwan bi rêya deriyê Kefer Lûsîn ê sînorî, ji Tirkiyê derbasî nav xaka Sûriyê bûne û yek ji wan çûye xala çavdêriyê, li devera Morek, ku dikeve herêma bakurê Hemayê.

Karwana din jî, ku tank û zirîpoş di nav de hebûn, çû xala Şêr Mixarê, li gundewarê rojavayê Hemayê.

Li gorî medyaya Tirkiyê û opozisyona sûrî, xurtkirina xalên çavdêriyê li Idlibê, dikeve çarçoveya Rêkeftina Kêmkirina Şer li wê navçeyê, ku di navbera Tirkiye û Rûsyayê de hatiye îmzekirin.

Ji destpêka sala 2018an ve, 12 xalên çavdêriyê yên Tikriyê li navçeya Idlibê, li gorî Rêîkeftina Kêmkirina Şer, hatine bicihkirin. jêder: Rûdaw