2018-12-06 [04:07 PM]

Hewlêr (ZNA) -

Parlamentoya Swêdê dema perwerde û rahênana leşkerî ya hêzên Pêşmerge û hêzên Iraqê ji aliyê pisporên leşkeri yên Swêdê ve dirêj kir.

Li gor biryara parlamentoya Swêdê ya îro 06.12.2018ê, di sala 2019ê de dê 70 şêwirmendên Swêd dê li herêma KUrdistanê û Iraqê bimînin, ku bikaribin hêzên Pêşmerge û hêzên Iraqê perwerde bikin û di dema pêwîst de jî dikare ew şêwirmendane wek 150 kes jî bên zêde kirin.

Li gor zanyariyên ku hatin belav kirin ên malpera fermî ya wezareta Pêşmerge ya hikûmeta herêma Kurdistanê, naha 220 şêwirmendên leşkerî yên Swêdê li herêma Kurdistanê ne û Pêşmerge perwerde û rahênan dikin.

Ji sala 2015ê ve di çarçoveya hevpeymaniya navdewletî ya dijî rêxistina terorîst a DAIŞê de, artêşa Swêdê şêwirmendên leşkeri bo perwerdeya hêzên Pêşmerge û hêzên Iraqê rêkirine herêmê.