2018-11-21 [07:32 PM]

Hewlêr (ZNA) -

 Serokomarê Tirkiyê Recep Tayîp Erdogan derbarê biryara Dadgeha Mafên Mirovan a serbestkirina Selahadîn Demirtaş de axivî û got:" Biryara Dadgeha Mafê Mirovan a Ewropayê (DMME) ya ji bo Selahattîn Demîrtaş terorperestî ye."

Erdogan îro careke din daxwaza Dadgeha Mafê Mirovan a Ewropayê red kir û got: "Pêwendiya Selahattîn Demîrtaş bi PKKyê re heye û Demîrtaş tohmetbarê kuştina 50 kesî ye. Biryara dadgehê ne azadixwazî ye lê terorperesti ye. Bila Dadgeha Mafê Mirovan a Ewropayê li gor dilê xwe biryar bide. Ew jî, dê li gor berjewendî û mayîndebûna welatê xwe tevbigerin û gavan bavêjin."

Dadgeha Mafê Mirovan a Ewropayê duhî daxwazaserbest berdan a Selahattîn Demîrtaş kiribû.  Herwisa gelek baroyên bajarên Bakurê Kurdistanê û dezgeh û saziyên navdewletî yên mafên mirovan bang li Tirkiyê kirin ku biryara DMMEyê bi cîh bînin. 

Li aliyê din balkêş e ku Serokomar Erdogan bi xwe 3 caran ji bo dadê, serî li Dadgeha Mafê Mirovan a Ewrûpayê xistiye.