2018-11-11 [08:22 AM]

Hewlêr (ZNA) -

Serokê Tirkiyê Recep Tayyip Erdogan ragihand, di teqîna Şemzînan de 4 serbazên wan hatine kuştin û 20 serbaz jî birîndar bûne.

Rayedarên Tirkiyê daxuyanî û agahiyên cuda li ser teqîna şeva borî ya Şemzînanê didin.

Derengiya şeva borî di nav qereqoleka artêşa Tirkiyê de li devera Şemzînanê ya Bakûrê Kurdistanê teqînek qewimî.

Destpêkê Wezîrê Berevaniya Tirkiyê Hulûsî Akar ragihand, di wê teqînê de 26 serbaz birîndar bûne. Ajansa Anadolu jî ragihandibû, 7 serbaz jî wenda ne.

Piştî wan agahiyan, serokê Tirkiyê Recep Tayyip Erdogan jî daxuyaniyek din da û ragihand, di teqîna Şemzînanê de 4 serbaz hatine kuştin û 20 serbaz jî birîndar bûne.