2018-10-15 [11:22 AM]

Hewlêr (ZNA) -

Wezîrên derve yên Iraq û Sûriyê li Şamê hevdîtinek pêkanîn. Hat ragihandin ku di rojeva herdu berpirsan de vekirina deriyên sînor ku ev bi salane girtine hebû.

Wezareta Derve ya Sûriyê daxuyaniyek belav kir û ragihand ku Wezîrê Derve yê Iraqê Îbrahîm Caferî û Wezîrê Derve yê Sûriyê Welîd Muallîm li Şamê hevdîtinek pêkanîne û vekirina deriyên sînor ên di navbera herdu welatan de gotûbêj kirine.

Hat diyarkirin ku herdu alî li ser girîngya vekirina deriyên sînorî hev nêrîn bûn, lêbelê di derbarê dema vekirina deriyan de zanyariyek nehat belavkirin.

Di navbera Iraq û Sûriyê de bi dirêjahiya 600 kîlometre ye, deriyên Rabîa, El Kaîm û El Velîd hene.

Herwiha hat ragihandin ku deriyên Nasîb ê di navbera Urdin û Sûriyê de ku 2015an ji aliyê hikûmeta Urdinê ve hatibû girtin, îro dê bê vekirin.