2018-09-16 [12:56 PM]

Hewlêr (ZNA) -

Di proseya dengdana veşartî de ku 251 parlamenteran beşdarî kir, serokê parlamentoya Iraqê hate helbijartin.

Proseya cuda kirina dengdana serokatiya parlamentoya Iraqê pêkhat, ku çend namzedên ser bi pêkhateya sunne pêşbirk û milmilanêyeke zêde li ser kirin bi dawî bû.

Di encama cuda kirina dengên parlamenteran de Mihemed Helbûsî ji temamê dengan, piraniya dengên parlamenteran bidest xist û bû serokê parlamentoya Iraqê.

Vê derbarê de endamê fraksiyona PDKê li parlamentoya Iraqê Nasir Herkî ji BasNewsê re ragehand, Mihemed Helbûsî bi 169 dengan ve bûye serokê parlamentoya Iraqê û wek serokê parlamentoya Iraqê hate helbijartin.

Mihemed Rêkan Elî Helbûsî sala 1982 li bajarokê Kerme yê ser bi parêzgeha Enbarê ji dayîkbûye xwedî malbate. Li sala 2001-2002 bakaloryûs endezyariya sivîl ji zankoya Mûstenseriye wergirtiye û sala 2006 bawernamya master wergirtiye, dîploma zimanê îngilîzî li sentera geşepêdanê ya heman zankoyê bi destxistiye, herwiha bawernameya çavdêriya endezyarî ji yekîtiya endezyarên ereb wergirtiye.

Di sala 2014-2015 beşdarî kongreya navnetewî de bûbû, di sala 2016 beşdarî kongreya Parlamentoya Îslamî bûbû, herwiha endamê kongreye bikarxistina civaka YN derbarê rola ciwan û jinan bû û dubare beşdarî kongreya dubarekirina asayîkirina bajarê azadkirî li UN bû.

Mihemed Helbûsî di sala 2012 bû endamê Yekîtiya karsazên Iraqê di sala 2014 bû endamê xola sêyem a Parlamentoyê Iraqê û di sala 2014-2015 bû endamê komîteya mafê mirovan piştî wê jî bû endamê komîteya darayî li Parlamentoyê û sala 2016-2017 bû serokê komîteya darayî û sala 2017-2018 bû parêzgarê Enbar, herwiha serokê hevpeymaniya Enbar.